Kvintsirkelen
Kvintsirkelen er ei samling skalaer ordna i rekkefølgje etter tal på
forteikn. Systemet er at når ein går opp ein kvint i forhold til eit
utgangspunkt, leggast det til eit forteikn. For eksempel: Er ein i
C-dur, som er utan forteikn, er neste toneart i kvintsirkelen G-dur,
då G er ein kvint ovanfor C. Det vil sei at G-dur har eitt forteikn.
Forteiknet her blir kryss, sidan ein har gått opp. Går ein ned,
altså til F, som er ein kvint nedanfor C, skal ein legge til ein b.
Toneart
Vi kan forholdsvis sikkert
bestemme tonearten til ein song ved å bruke kvintsirkelen og sjå på
avslutningstonen. Sidan dei aller fleste songane sluttar på
grunntonen (sjeldan ters eller kvint) kan vi ved å sjå på forteikna
i kvintsirkelen og avslutningstonen, avgjere tonearten.
Grunntonar i dur- og mollskalaer
Grunntonane i dur med store bokstavar utafor sirkelen.
Grunntonane i moll inne i sirkelen med små bokstavar.
